Bashkia Maliq nderon tre figura të shquara me tituj nderi
Bashkia Maliq ka vlerësuar tre personalitete të spikatura për kontributin e tyre në fusha të rëndësishme të shoqërisë, duke u akorduar tituj nderi.
Prof. Gjergji Merlika dhe Dr. Ali Refatllari janë nderuar me titullin “Krenaria e Bashkisë Maliq”, ndërsa ikonës së futbollit shqiptar Sulejman Demollari i është dhënë titulli “Qytetar Nderi i Bashkisë Maliq”.
Këto vlerësime vijnë si mirënjohje për kontributin e tyre të çmuar në arsim, mjekësi dhe sport, duke i kthyer ata në shembuj frymëzimi për komunitetin dhe brezat e rinj.
