E trishtë/ Humb jetën 18-vjeçari që u aksidentua pak më parë në Korçë
Një ngjarje e rëndë ka tronditur mbrëmjen e sotme Korçën. 18-vjeçari F. M., i cili u aksidentua pak më parë në aksin rrugor Korçë-Pogradec, pranë fshatit Bulgarec, ka ndërruar jetë në spital.
Sipas informacionit paraprak, i riu u përplas nga një automjet tip “Benz” rreth orës 19:45.
Pavarësisht transportimit në spital, 18-vjeçari nuk ka mundur t’u mbijetojë plagëve të marra.
Drejtuesi i automjetit është shoqëruar në Komisariat, ndërsa materialet procedurale i janë referuar Prokurorisë për veprime të mëtejshme.
Ngushëllime familjarëve dhe të afërmve për këtë humbje të rëndë.