Reduktim dhe ndërprerje të furnizimit me ujë në Maliq më 6, 7 dhe 8 qershor
Ujësjellës Kanalizime Maliq ka njoftuar qytetarët se gjatë datave 6, 7 dhe 8 qershor 2026 do të kryhen punime dhe ndërhyrje teknike në depon e furnizimit me ujë të qytetit të Maliqit.
Për shkak të këtyre punimeve, furnizimi me ujë të pijshëm do të jetë i reduktuar dhe në disa zona mund të ketë ndërprerje të përkohshme.
Sipas UK Maliq, ndërhyrjet janë të nevojshme për përmirësimin e sistemit të furnizimit me ujë dhe garantimin e një shërbimi sa më cilësor për qytetarët.
Institucioni u bën thirrje banorëve të marrin masat e nevojshme paraprake dhe të sigurojnë rezerva të mjaftueshme uji për nevojat familjare gjatë kësaj periudhe.