Gjendet i pajetë një 60-vjeçar në Libonik, policia nis hetimet
Një person është gjetur i pajetë në banesën e tij në fshatin Libonik, Bashkia Maliq.
Sipas informacioneve paraprake, viktima, rreth 60 vjeç, jetonte prej afro një muaji me vëllain e tij, i cili kishte ardhur nga jashtë për të qëndruar përkohësisht pranë familjes.
Ka qenë vëllai ai që e ka gjetur pa shenja jete në orët e mëngjesit dhe më pas ka kërkuar ndihmën e një komshiu për të njoftuar ambulancën dhe policinë.
Nga këqyrja e parë e trupit nuk janë konstatuar shenja dhune, ndërsa shkaku i vdekjes pritet të përcaktohet nga ekspertiza mjeko-ligjore.
Policia ka nisur veprimet procedurale dhe po punon për sqarimin e plotë të rrethanave të ngjarjes.