Shoqata e Biznesit të Vogël dhe të Mesëm në Shqipëri, ka mbajtur sot një deklaratë për shtyp, për të kundërshtuar urdhërin e Ministrit Taulant Balla, për zhvendosjen e varrezave të makinave dhe serviseve 1 km larg zonave të banuara.
Përfaqësuesi i kësaj shoqate ka thënë se është e pamundur që brënda afatit prej 3 ditësh të mund të realizohet zhvendosja e këtyre bizneseve dhe ka kërkuar shtyrjen e tij. Ndër të tjetra Bujar Muço ka thene se zhvendosja larg zonave të banuara të këtyre bizneseve përkthehet në mungesë të rrjetit elektrik, kanalizimeve dhe munges të ujit, gjë e cila direkt do tw ndikojë tek kostot e marrësve të shërvimeve.
Njëri prej pronarëve të këtyre bizneseve, Krenar Koçibelli tha se kjo metodë po i detyron bizneset të mbyllen dhe shtoi se kjo nuk është një zgjidhje, pasi dhe në shtetet europiane operohet njëjtë si në shqipëri, ku varrezat e mjeteve ndodhen brënda zonave të banuara.
Bizneset dhe shoqata e tyre paralajruan protesta nëse kërkesat e tyre nuk do të merren parasysh, ndërkaq të njejtet i janë drejtuar zyrtarisht dy ministrive për këtë shqetësim.