Dhora Dajko sqaron deklaratat pas debatit për reformën territoriale në Korçë
Pas debateve të zhvilluara gjatë dëgjesës për reformën territoriale në Korçë, drejtoresha e Qendrës Kulturore të Bashkisë Maliq, Dhora Dajko, ka reaguar me një sqarim publik. Ajo thekson se deklarata e saj, ku e cilësoi Bashkinë Maliq si një model funksionimi, lidhej me bindjen se bashkia ka ndërtuar identitet dhe ka bërë progres ndër vite, ndaj nuk mbështet shkrirjen e saj.
Dajko shprehet se mendimi i saj u ndërpre gjatë debatit dhe u keqinterpretua, ndërsa nënvizon se diskutimet për reformën territoriale duhet të zhvillohen me argumente dhe respekt për mendimin ndryshe.