Një aksident rrugor është regjistruar në afërsi të repartit zjarrfikës në qytetin e Korçës, ku një automjet tip ML ka humbur kontrollin gjatë lëvizjes.
Sipas informacioneve paraprake, mjeti fillimisht është përplasur me një automjet të parkuar në anë të rrugës dhe, si pasojë e goditjes, është përmbysur në mes të rrugës. Nga ngjarja nuk raportohet për persona të lënduar, ndërsa dëmet materiale janë të konsiderueshme.
Në vendngjarje ka mbërritur policia, e cila po kryen veprimet e nevojshme procedurale për zbardhjen e plotë të rrethanave dhe shkaqeve të aksidentit.