ELBASAN – Të shtëna me armë zjarri janë raportuar mbrëmjen e sotme në qytetin e Elbasanit, ku një biznesmen është ekzekutuar brenda ambientit të biznesit të tij, në zonën e Unazës Jugore.
Sipas informacioneve paraprake, viktima është qëlluar me armë zjarri nga persona ende të paidentifikuar. Forcat e Policisë kanë mbërritur menjëherë në vendngjarje dhe kanë rrethuar zonën, ndërsa po kryhen krehje dhe kontrolle intensive për identifikimin dhe kapjen e autorëve.
Janë ngritur pika kontrolli në të gjitha akset hyrëse dhe dalëse të Elbasanit. Grupi hetimor po punon për sqarimin e rrethanave dhe motivit të ngjarjes së rëndë.