Një aksident rrugor është regjistruar pasditen e sotme në afërsi të kryqëzimit të fshatit Starovë, në Pogradec, ku një automjet ka përplasur një këmbësore.
Si pasojë e përplasjes ka mbetur e plagosur një vajzë, e cila është transportuar me urgjencë drejt spitalit të Pogradecit, ku aktualisht po merr trajtim mjekësor. Burime pranë institucionit shëndetësor bëjnë me dije se e reja ka pësuar fraktura në kokë dhe në pjesë të tjera të trupit.
Drejtuesi i mjetit është shoqëruar në komisariat për veprime të mëtejshme procedurale, ndërsa grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.