Grabitje me armë në një bankë në Tiranë, kapet autori

HomeActual

Grabitje me armë në një bankë në Tiranë, kapet autori

Maliq – Hetim për dyshime të abuzimit seksual ndaj një 30-vjeçareje nga vjehrri i saj
Ndryshon taksimi i automjeteve, dyfishohet tarifa vjetore për naftën dhe benzinën. Taksohen edhe makinat elektrike
ARSIMTARËT, AGIMI VEZULLUES QË NDRIÇON MËNGJËSEVE

Një grabitje me armë është regjistruar këtë të enjte në Tiranë, pranë zonës së ish-Parkut, duke shkaktuar alarm tek qytetarët dhe institucionet e sigurisë.

Sipas raportimeve, Policia e Shtetit ka marrë një telefonatë që njoftonte për grabitjen e një banke të nivelit të dytë në rrugën “Muhedin Llagami”. Menjëherë pas njoftimit, forcat e policisë janë nisur drejt vendngjarjes për të verifikuar informacionin dhe për të siguruar zonën.

Burime bëjnë me dije se autori dyshohet të ketë hyrë në ambientet e bankës i armatosur me një armë automatike tip kallashnikov. Falë reagimit të shpejtë të policisë, i dyshuari është neutralizuar dhe shoqëruar në komisariat.

Nga të dhënat paraprake nuk raportohet për persona të lënduar, ndërsa grupet hetimore po vijojnë punën për të zbardhur plotësisht rrethanat e ngjarjes.

Qarku.al do t’ju mbajë të informuar për çdo zhvillim të mëtejshëm.