Reshjet e shumta të ditëve të fundit kanë shkaktuar rrëshqitje të konsiderueshme dherash dhe inertesh në aksin rrugor Lozhan–Moglicë–Gramsh, duke vështirësuar përkohësisht qarkullimin e mjeteve.
Falë ndërhyrjes së shpejtë të firmës kontraktore, u bë pastrimi i materialeve të rëna në rrugë dhe hapja e plotë e aksit, i cili aktualisht është i kalueshëm për të gjitha mjetet.
Autoritetet u bëjnë thirrje drejtuesve të automjeteve të tregojnë kujdes të shtuar, pasi reshjet dhe lagështia e lartë mund të sjellin problematika të ngjashme edhe në vijim.