Tragjedia në Maliq ka marrë përmasa edhe më të rënda. Vajza 6-vjeçare, e cila ndodhej e shtruar prej disa ditësh në QSUT pas zjarrit që përfshiu banesën e familjes Hazisllari, ka ndërruar jetë këtë të premte.
Ngjarja e rëndë ndodhi disa ditë më parë, kur banesa u përfshi nga flakët dhe tymi, duke u kthyer në një tragjedi familjare. Në vendngjarje humbën jetën nëna, Merjeme Hazisllari, dhe djali i saj Luka, 14 vjeç.
Sipas hetimeve paraprake, zjarri dyshohet se ka nisur në ambientet e kuzhinës. Në momentin që mbërritën forcat zjarrfikëse, dy fëmijët u gjetën jashtë banesës në gjendje të asfiksuar. Pavarësisht përpjekjeve të mjekëve, djali 14-vjeçar nuk mundi të mbijetojë, ndërsa vajza e vogël që luftoi për disa ditë në QSUT, sot humbi jetën.
Familja Hazisllari, e njohur për thjeshtësinë dhe punën e ndershme, ka prekur thellë opinionin publik me këtë fatkeqësi të trefishtë që ka tronditur gjithë zonën e Maliqit.
🕊️ Ngushëllime të sinqerta familjarëve dhe të afërmve.