Një rrëshqitje masive dherash ka shkaktuar dëme të konsiderueshme në aksin rrugor që lidh zonën me fshatin Lozhan Lart, në Njësinë Administrative Gorë.
Si pasojë e rrëshqitjes, rruga është dëmtuar rëndë, duke vështirësuar qarkullimin e mjeteve, ndërsa është prekur edhe rrjeti i transmetimit elektrik, duke sjellë probleme për banorët e zonës.
Autoritetet lokale dhe strukturat përgjegjëse kanë nisur punën për stabilizimin e situatës, me qëllim rikthimin e sigurisë në rrugë dhe riparimin e dëmeve në infrastrukturën energjetike.
Situata po monitorohet nga afër, ndërsa u bëhet thirrje drejtuesve të mjeteve dhe banorëve të tregojnë kujdes deri në normalizimin e plotë të gjendjes.