Reshjet e dendura të shiut që kanë përfshirë zonën e Maliqit ditët e fundit kanë shkaktuar dëme të konsiderueshme në tokat bujqësore. Një nga fermerët më të njohur për kultivimin e spinaqit në fushën e Maliqit, nga fshati Vlocisht, ka humbur të gjithë prodhimin e sezonit.
Sipas vlerësimeve paraprake, dëmi ekonomik kap vlerën mbi 10 milion lekë, pasi uji ka mbuluar totalisht parcelat e mbjella, duke bërë të pamundur shpëtimin e kulturave bujqësore. Fermeri Mario Zere prej vitesh njihej për prodhimin cilësor të spinaqit, i cili furnizonte tregjet lokale dhe më gjerë.
Ai shprehet se kjo është një nga goditjet më të mëdha që ka marrë ndonjëherë, ndërsa apelon për mbështetje nga institucionet për të përballuar humbjet e rënda.