Nga Gazetarja Daniela Zisi ..
Këtë titull lajmi( tek foto më poshtë) e sheh thuajse në çdo portal.
Nga ky titull lexuesi kupton që oficeri i policisë gjyqësore,ka pyetur për rrethanat e ngjarjes bashkëshorten e policit,që plagosi disa ditë më parë një inxhinier në Tiranë.
Nga përgjigjia e bashkëshortes së autorit kuptojmë që pyetja e oficerit ishte: “Sa herë e ke tradhëtuar bashkëshortin”?
Përgjigjia e gruas vijon: “Vetëm një herë,por burri u bë xheloz”.
Lexuesi bëhet konfuz. Po ta kishte tradhëtuar më shumë herë,burri duhet të kishte plagosur gjysmën e Tiranës.
Gruaja është marrë në pyetje nga oficer i policisë gjyqësore,apo nga gratë e mëhallës,të cilat me detaje të tilla shtyjnë kafen e pasdites?
Lexuesi përsëri nuk është i qartë.
A ka interes për hetimin dhe zbulimin e rrethanave të plagosjes,sa herë u tradhëtua burri nga gruaja, që qenka marrë në pyetje?
Përtej interesit të hetimit,ku gjendet tek ky informacion, i stisur,besoj,interesi publik?
Dhe mbi të gjitha,si mund të konsiderohet normalitet,ekspozimi mizor i një mardhënie bashëshortore,plotësisht private?
Edhe pse kjo mardhënie njerëzore,e pakuptueshme nga jashtë, solli një ngjarje kriminale,asgjë nuk justifikon linçimin publik të gruas në fjalë dhe të asnjë gruaje,apo individi,nga mediat i thënçin.