Të shtëna me armë në Korçë..
Të shtëna me armë zjarri janë regjistruar pasditen e kësaj të shtune në qytetin e Korçës, ku një 20-vjeçar dyshohet se ka mbetur i vrarë.
Ngjarja ka ndodhur në lagjen nr. 14, ndërsa viktima është identifikuar me inicialet J.Z., rreth 20 vjeç. Sipas informacioneve paraprake, i riu ishte pjesë e Forcave të Armatosura.
Dyshohet se ndaj tij është qëlluar me armë zjarri, ndërsa autori është larguar nga vendi i ngjarjes. Policia ka nisur punën për zbardhjen e plotë të rrethanave dhe identifikimin e kapjen e autorit.
Sipas raportimeve të fundit, autori dyshohet se është identifikuar nga Policia, ndërsa janë ngritur edhe postblloqe në hyrje-daljet e qytetit dhe në akset nacionale për kapjen e tij.
Hetimet vijojnë për të përcaktuar motivin dhe dinamikën e plotë të ngjarjes.