Tërmeti 7.4 ballë godet Kolumbinë, rritet në 132 numri i viktimave
KOLUMBI – Një tërmet i fuqishëm me magnitudë 7.4 ka goditur të hënën pjesën perëndimore të Kolumbisë, duke shkaktuar viktima të shumta dhe dëme të mëdha materiale.
Epiqendra e lëkundjeve u regjistrua pranë San José del Palmar, në departamentin e Chocó, ndërsa goditja u ndje në një pjesë të madhe të vendit. Dhjetëra ndërtesa janë dëmtuar ose shembur, ndërsa ekipet e emergjencave vijojnë operacionet e kërkim-shpëtimit.
Sipas raportimeve më të fundit, numri i viktimave ka shkuar në 132, ndërsa mbi 570 persona janë raportuar të plagosur. Bilanci pritet të ndryshojë teksa vijojnë kontrollet në zonat e prekura.
Tërmeti ka shkaktuar dëme të konsiderueshme veçanërisht në zonat e Chocó dhe në rajonin e Eje Cafetero. Autoritetet kanë ndërmarrë masa emergjente, ndërsa banorëve u është kërkuar të tregojnë kujdes për shkak të mundësisë së pasgoditjeve.
Në orët pas tërmetit janë regjistruar edhe lëkundje të tjera, duke rritur shqetësimin për sigurinë e banorëve dhe strukturave të dëmtuara.