Në një kohë kur shumë të rinj kërkojnë mundësi jashtë vendit, Ramadan Dajko është shembulli i atij që i ndërthur të dyja botët – punën dhe suksesin në Shqipëri, por edhe bashkëpunimet e frytshme jashtë saj.
Ky i ri 26-vjeçar nga zona e Maliqit, i njohur për përkushtimin dhe profesionalizmin e tij, ka arritur të ndërtojë një biznes të qëndrueshëm në fushën e shërbimeve teknike dhe të pajisjeve të rënda, nën emrin “Dane Crane”.
Përveç punës së tij në vend, pak ditë më parë Ramadan Dajko ndodhej në Itali, ku ofroi shërbime për projekte të mëdha industriale. Ky bashkëpunim i ri dëshmon jo vetëm aftësinë e tij për t’u përballur me sfida të mëdha, por edhe besimin që kompanitë e huaja po i japin punës cilësore shqiptare.
Me ide të qarta për zhvillimin dhe me vullnet për t’u rritur profesionalisht, Ramadan Dajko përfaqëson modelin e të riut që punon, investon dhe nderon vendin e tij kudo që shkon.
🌟 Shembull frymëzimi për të rinjtë që besojnë se suksesi ndërtohet me punë, jo me fjalë.