Anila Denaj: Skema Kombëtare e Investimeve 2025, 9 masa mbështetëse për fermerët e qarkut Korçë
Korçë – Zv. Ministri Arian Jaupllari, së bashku me ekipin teknik të Agjencisë për Zhvillim Bujqësor dhe Rural (AZHBR), zhvilloi një takim me fermerët e qarkut Korçë për prezantimin e Skemës Kombëtare të Investimeve 2025. Kjo skemë ofron 9 masa mbështetëse për të nxitur zhvillimin e qëndrueshëm të bujqësisë dhe për të realizuar vizionin “Bujqësia 2030”.
Gjatë takimit, fermerët u informuan mbi procedurat e aplikimit, dokumentacionin e nevojshëm dhe masat mbështetëse, me qëllim lehtësimin e procesit dhe rritjen e mundësive për përfitim financiar.
Një nga pikat kryesore të skemës është kombinimi i 50% grantit me Kredinë e Butë me interes vetëm 2% dhe garanci sovrane për 70% të kolateralit, duke u dhënë fermerëve mundësinë të sigurojnë financimin e plotë për realizimin e investimeve të tyre.
Aplikimet për këtë skemë do të jenë të hapura deri më 30 shtator 2025.
Për më shumë informacion, fermerët mund të kontaktojnë në numrin falas 0800 83 83, të vizitojnë faqen zyrtare www.azhbr.gov.al ose të dërgojnë email në adresën info@azhbr.gov.al.