Një ngjarje e rëndë është shënuar pasditen e sotme në Korçë. Rreth orës 16:10, në lagjen nr. 16, dyshohet se është vetëhedhur nga kati i pestë i pallatit ku banonte shtetasi K. P., rreth 70 vjeç.
I moshuari, i cili mësohet se vuante nga probleme të shëndetit mendor, ka humbur jetën si pasojë e plagëve të marra.
Në vendngjarje ndodhet grupi hetimor, që po punon për të zbardhur dhe dokumentuar rrethanat e plota të kësaj tragjedie.