Vijojnë të dalin detaje nga ngjarja e rëndë e regjistruar gjatë një operacioni policor në zonën e Lozhanit.
Sipas informacioneve paraprake, viktimë ka mbetur një efektiv i Forcës së Posaçme “Shqiponja”, ndërsa një tjetër efektiv ka mbetur i plagosur dhe po merr ndihmën mjekësore në Spitalin Rajonal të Korçës. Burime paraprake bëjnë me dije se i plagosuri është goditur me armë zjarri, ndërsa ende nuk ka një informacion zyrtar mbi gjendjen e tij shëndetësore.
Mësohet se gjatë operacionit ka mbetur i plagosur edhe autori i dyshuar. Forca të shumta policie kanë rrethuar zonën, ndërsa priten njoftime zyrtare për rrethanat e plota të ngjarjes.
Hetimet vijojnë për të zbardhur dinamikën e plotë të incidentit.