Tragjedi në Devoll, gjendet e mbytur një 82-vjeçare në rezervuarin e Bilishtit
Një ngjarje e rëndë është regjistruar në Devoll, ku një 82-vjeçare është gjetur e pajetë në rezervuarin e Bilishtit.
Sipas informacioneve paraprake, e moshuara, e identifikuar me inicialet A.K., është gjetur e mbytur në ujërat e rezervuarit. Mësohet se familjarët nuk kishin bërë më parë denoncim për zhdukjen e saj.
Trupi i pajetë pritet të transportohet në morg, ku do t’i nënshtrohet ekspertizës mjeko-ligjore për përcaktimin e shkakut të vdekjes.
Ndërkohë, Policia po vijon veprimet hetimore për të zbardhur plotësisht rrethanat e kësaj ngjarjeje të rëndë.