Shërbimet e Komisariatit të Policisë Korçë kanë referuar materialet në Prokurori, ku filloi procedimi penal për:
- M. D., 35 vjeçe, banuese në fshatin Rëmbec, pasi dyshohet se ka vjedhur një shumë parash në një hotel;
- R. M., pasi u kap duke kryer punime ndërtimi pa leje.
Gjithashtu, Specialistët për Hetimin e Krimeve të DVKM Korçë referuan materialet në Prokurori për shtetasin A. M., 58 vjeç, banues në fshatin Drithas, i dyshuar për veprën penale “Kalimi i paligjshëm i kufirit shtetëror”.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.