Pogradec – Në pranga 58-vjeçari që drejtonte automjetin në gjendje të dehur
Specialistët e Sektorit të Qarkullimit Rrugor kanë referuar materialet në Prokurori dhe kanë nisur procedimin penal për shtetasin A. B., 58 vjeç, banues në Pogradec, pasi u kap duke drejtuar automjetin në gjendje të dehur.
Stropskë – 37-vjeçari kapet duke transportuar lëndë drusore të prerë në mënyrë të kundërligjshme
Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasin A. Ç., 37 vjeç, banues në fshatin Stropskë, pasi u kap duke transportuar 8 m³ lëndë drusore të prerë në mënyrë të kundërligjshme. Lënda drusore u sekuestrua në cilësinë e provës materiale.
Maliq – Procedime për 53-vjeçarin që shkrep armën aksidentalisht dhe 40-vjeçarin që kanosi një grua
Policia e Maliqit ka referuar materialet në Prokurori dhe ka nisur procedimin penal për dy shtetas:
- A. P., 53 vjeç, banues në fshatin Vreshtas, pasi duke pastruar armën e gjahut që dispononte me leje, nga pakujdesia ka bërë një shkrepje;
- K. A., 40 vjeç, banues në fshatin Orman, pasi dyshohet se për motive të dobëta, ka kanosur me fjalë një 60-vjeçare.
Tërovë – Zjarr në magazinë, dyshohet i shkaktuar aksidentalisht nga një i mitur
Më datë 01.09.2025, në fshatin Tërovë, ka rënë zjarr në magazinën e shtetasit P. B., 78 vjeç. Nga veprimet e para hetimore, dyshohet se zjarri është ndezur aksidentalisht nga nipi i tij i mitur. Fatmirësisht nuk ka pasur të lënduar, por janë shkaktuar dëme materiale.
Podgorije – Automjeti i një 46-vjeçari digjet pjesërisht, dyshohet zjarr aksidental
Në fshatin Podgorije, në orët e mëngjesit, ka rënë zjarr në automjetin e shtetasit B. Ç., 46 vjeç. Si pasojë, automjeti është djegur pjesërisht. Grupi hetimor po punon për zbardhjen e plotë të rrethanave të rastit.
👉 Të gjitha materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.