Këshilli i Ministrave ka miratuar vendimin për shpërblimin financiar të punonjësve që kanë qenë në vijën e parë të përballjes me zjarret, gjatë sezonit veror.
Sipas vendimit, shpërblimi do të variojë nga 1 deri në 3 paga mujore dhe do t’u jepet:
- Forcave të Armatosura të Republikës së Shqipërisë;
- Agjencisë Kombëtare të Mbrojtjes Civile;
- Policisë së Shtetit;
- Drejtorisë së Përgjithshme të Mbrojtjes nga Zjarri dhe Shpëtimit;
- Shërbimeve të Mbrojtjes nga Zjarri dhe Shpëtimit në bashki.
Ky vlerësim konsiderohet si një mirënjohje për misionin e tyre fisnik dhe shpesh vetëmohues, në përballjen e vështirë me flakët që rrezikuan jetë njerëzish, pasuri dhe mjedisin natyror të vendit.