Këshilli i Qarkut Korçë ka hapur thirrjet për regjistrim në projektin “20 Udhërrëfyes Turistikë Lokalë për Qarkun Korçë”, një nismë e veçantë që synon të krijojë mundësi të reja për të rinjtë dhe të forcojë zhvillimin e turizmit në zonë.
Ky projekt do të realizohet në bashkëpunim me Universitetin “Fan S. Noli” dhe përfshin module të akredituara nga Ministria e Turizmit dhe Mjedisit, të cilat do të çojnë në certifikimin e 20 udhërrëfyesve lokalë.
E veçanta e këtij programi është se tarifa e plotë e pjesëmarrjes mbulohet plotësisht nga Këshilli i Qarkut Korçë, duke i dhënë kështu mundësinë çdo të riu të apasionuar pas natyrës, historisë dhe kulturës së krahinës, ta kthejë këtë pasion në profesion.
Nëse dëshiron të kontribuosh në zhvillimin e turizmit lokal dhe të jesh pjesë e një rrjeti profesionistësh të rinj, kjo është mundësia e duhur.
Apliko ketu 👇https://forms.gle/NdY4tv6kcXt3RSFr8