Kodhel Zere është emëruar administrator i Njësisë Administrative Voskopojë, duke sjellë me vete energjinë e një brezi të ri dhe një vizion të qartë për zhvillimin e zonës.
I diplomuar në Universitetin “Fan S. Noli” të Korçës, ai ka përfunduar studimet Bachelor në Menaxhim, një Master Profesional në Administrim Biznesi si dhe një Master Shkencor në Filozofi Sociale. Ky kombinim i formimit akademik i jep atij një bazë të fortë për të udhëhequr me profesionalizëm.
Përveç angazhimit akademik, Zere ka spikatur edhe në jetën studentore, duke mbajtur detyrën e Presidentit të Këshillit Studentor dhe të anëtarit të Senatit Akademik. Përvoja e tij në këto role dëshmon aftësitë në lidership, organizim dhe komunikim.
Emërimi i tij pritet të sjellë një frymë të re zhvillimi për Voskopojën, me prioritet turizmin, infrastrukturën dhe mbështetjen për komunitetin lokal.