Maliq – Hetim për dyshime të abuzimit seksual ndaj një 30-vjeçareje nga vjehrri i saj

HomeActual

Maliq – Hetim për dyshime të abuzimit seksual ndaj një 30-vjeçareje nga vjehrri i saj

E njohur si Tasha e TikTokut, 67- vjeçarja Natasha Rombula, nën akuzën se përdori nipin për të përfituar para.
Ndalojnë punimet e rrugës Maliq – Lozhan, firma kontraktore tërheq makinerite dhe largohet
Primaret/ Rezultatet për qarkun e Korçës, ja kandidati më i votuar

Një 30-vjeçare nga zona e Maliqit ka denoncuar një ngjarje të rëndë, duke pretenduar se është abuzuar seksualisht nga vjehrri i saj, rreth dy muaj më parë. Sipas informacionit zyrtar, e reja dyshohet se vuan nga probleme të shëndetit mendor, çka e bën çështjen edhe më të ndjeshme dhe shqetësuese.

Ngjarja ka shkaktuar tronditje brenda familjes dhe komunitetit lokal, ndërsa të afërmit e saj shprehen të alarmuar për gjendjen emocionale dhe fizike të 30-vjeçares.

“Shërbimet e Komisariatit të Policisë Maliq referuan materialet në Prokurori për vlerësim, pasi një 30-vjeçare ka kallëzuar se 2 muaj më parë, vjehrri i saj ka abuzuar seksualisht me të. Në drejtimin e Prokurorisë, po punohet për verifikimin e kallëzimit”, – thuhet në njoftimin e Policisë së Shtetit.

Hetimet janë në vijim për të sqaruar të gjitha rrethanat e rastit.