Sot, Korça humbi një prej figurave të saj më të çmuara – Doktor Ahmet Hoxhallarin, një njeri me shpirt të madh, profesionist i përkushtuar dhe qytetar model.
Doktor Ahmeti, i lindur dhe rritur në këtë qytet, i shërbeu me pasion e devotshmëri profesionit fisnik të mjekut, duke u bërë shembull për kolegët dhe shpresë për pacientët që kurohej me dashuri e përkushtim. Ai u dallua për humanizmin e tij, për mënyrën e qetë dhe të mençur me të cilën i përballonte sfidat, si dhe për ndershmërinë që e shoqëroi gjatë gjithë jetës.
I respektuar si drejtues institucional i suksesshëm, bashkëshort i denjë, baba dhe gjysh shembullor, Doktor Ahmeti u nda nga jeta me mendjen dhe zemrën te njerëzit e tij të dashur dhe te vendlindja që e deshi pafund.
Korça dhe mbarë komuniteti i mjekëve ndjejnë sot mungesën e një figure që i dha shumë njerëzimit dhe qytetit të tij.
Lamtumirë Doktor Ahmeti!
Trashëgimia juaj humane dhe profesionale do të mbetet përjetësisht në kujtesën e të gjithëve që ju njohën. 🕯️