Drejtoria Vendore e Kufirit dhe Migracionit Korçë vijon kontrollet intensive në vijën kufitare, me qëllim parandalimin e lëvizjeve në kundërshtim me ligjin.
Gjatë këtyre kontrolleve, shërbimet e Kufirit të Gjelbër të Stacioneve të Policisë Kufitare Qafë Thanë dhe Kapshticë kanë konstatuar dhe kapur 4 shtetas, të cilët po tentonin të kalonin kufirin shtetëror në mënyrë të paligjshme.
Konkretisht, janë proceduar penalisht shtetasit:
- D. H., 47 vjeç, banues në Librazhd;
- M. R., 31 vjeç, banues në fshatin Vashë, Peqin;
- R. K., 20 vjeç, banues në fshatin Trestenik, Devoll;
- F. Sh., 48 vjeç, banues në fshatin Trestenik, Devoll.
Në përfundim të veprimeve procedurale, për secilin prej tyre ka nisur procedimi penal në gjendje të lirë, për veprën penale “Kalimi i paligjshëm i kufirit shtetëror”.
Materialet procedurale i janë referuar Prokurorisë së Korçës, për veprime të mëtejshme ligjore.