Korçë – Vijon puna e strukturave të Policisë për goditjen e veprimtarisë kriminale në fushën e vjedhjes së pronës dhe pasurisë.
Shërbimet e Komisariatit të Policisë Korçë finalizuan me sukses operacionin e koduar “Four”, në kuadër të të cilit u zbardhën dhe dokumentuan 4 raste të vjedhjes së automjeteve në qytetin e Korçës.
Si rezultat i një pune të mirëfilltë hetimore, këqyrjes së pamjeve filmike dhe informacionit të siguruar në rrugë operative, u identifikua, u kap dhe u arrestua në flagrancë shtetasi L. Sh., 42 vjeç, banues në Korçë, i dënuar më parë për të njëjtën veprimtari penale.
Nga hetimet dyshohet se ky shtetas është autor i vjedhjeve të ndodhura më datë 31.01.2026, në 4 automjete të parkuara në zona të ndryshme të qytetit.
Gjatë operacionit, në cilësinë e provës materiale, u sekuestruan:
- një kasetofon,
- një pasaportë,
- një palë çelësa,
- një telefon iPhone 13 Pro Max,
- një sasi parash në lekë,
- si dhe sende të tjera të vjedhura.
Materialet procedurale i janë referuar Prokurorisë së Korçës, për veprime të mëtejshme ligjore.