Në një takim në Kolonjë, kandidati i Partisë Socialiste Z.Arjan Jaupllari ka takuar një të ri me vizion dhe punëtor, ndër të tjera Jaupllari thekson :

Sot ndalova pak minuta për të njohur dhe përgëzuar Geraldon, një djalë të ri kolonjar, i cili ndryshe nga moshatarët e tij emigrantë, jo vetëm që ka vendosur të trashëgojë modelin e punës nga familja e tij prej 25 vitesh, për rritjen dhe mbarshtimin e gjedhëve, por mbart pasionin dhe vizionin për të vazhduar më tej drejt një ferme me standarde bashkëkohore, pikërisht në Kolonjë.

Në një botë që po evoluon vazhdimisht, vendimi i këtij djali të ri për të qëndruar i rrënjosur në këtë tokë që na ushqen është sa i fuqishëm, aq edhe frymëzues për brezin e ri.

Me pasionin, energjinë dhe gatishmërinë tuaj për të përqafuar traditën dhe teknologjinë, ju nuk po kontribuoni vetëm në rritjen dhe mbarshtimin e gjedhëve, por rrisni shpresën, qëndrueshmërinë dhe një të ardhme më të mirë për të gjithë ne.

Bujqësia nuk është e lehtë, kërkon përkushtim, disiplinë dhe zemër, por të rinjtë si Geraldo na tregojnë se ky brez është i përgatitur për të përmbushur standardet e BE-së, për të përqafuar inovacionin dhe për të përballuar sfidat e objektivit tonë të përbashkët drejt BE-së 🇦🇱🇪🇺.