Një aksident i rëndë rrugor është regjistruar në aksin Korçë–Bilisht, në afërsi të fshatit Cangonj.
Sipas informacioneve paraprake, një automjet ka përplasur një këmbësor, i cili po kalonte nga njëra anë e rrugës në tjetrën. Si pasojë e përplasjes, këmbësori ka pësuar plagë të rënda dhe dyshohet se nuk ka mundur të mbijetojë, duke ndërruar jetë.
Menjëherë pas ngjarjes, shërbimet e Policisë kanë mbërritur në vendngjarje dhe kanë nisur hetimet për të sqaruar rrethanat dhe shkaqet e aksidentit. Grupi hetimor po punon për dokumentimin e plotë të ngjarjes.