Vasil Sterjovski, një zë i rëndësishëm për komunitetin maqedonas në Shqipëri dhe një figurë e përkushtuar në politikë dhe akademi. I lindur në Korçë, ai ka përfunduar studimet në Histori dhe po ndjek studimet e doktoraturës në Shkup. Aktualisht, vijon veprimtarinë e tij si pedagog dhe promotor i ruajtjes së trashëgimisë kulturore të pakicës maqedonase në Shqipëri.
Gjatë periudhës 2019-2021, si deputet dhe drejtues i institucioneve lokale, ai ka mbrojtur me përkushtim të drejtat e komunitetit maqedonas. Si kryetar i Aleancës së Maqedonasve për Integrimin Europian (AMIE), ai është angazhuar në ndërtimin e një aleance të fortë me Partinë Socialiste, duke siguruar përfaqësim dhe zhvillim për Prespën dhe më gjerë.
Vasili gjithashtu njihet nga komuniteti për pozitivitetin dhe thjeshtësinë e tij në të gjithë rrugëtimin në politikë dhe jo vetëm. ( M.S )