Në kuadër të Ditës Ndërkombëtare të Fëmijëve, në Landfillin e Maliqit u zhvillua një aktivitet i veçantë edukues dhe kreativ me pjesëmarrjen e fëmijëve të kopshtit Libonik “Lulet e Vogla”.
Përmes ngjyrave, pikturave dhe gjurmëve të vogla të duarve të tyre, fëmijët përcollën një mesazh të rëndësishëm për mbrojtjen e mjedisit dhe kujdesin ndaj natyrës. Çdo gjurmë e lënë në mur simbolizoi përgjegjësinë dhe angazhimin për një të ardhme më të pastër dhe më të gjelbër.
Aktiviteti synoi të ndërgjegjësojë brezin e ri mbi rëndësinë e ruajtjes së mjedisit, duke i nxitur fëmijët të bëhen mbrojtës të natyrës që në moshë të vogël.
Një iniciativë e bukur që solli buzëqeshje, kreativitet dhe një mesazh të fortë: e ardhmja e planetit është në duart tona.