U martua me një minorene dhe ka një vajzë por rrezikon deri në 25 vite burg, komuniteti rom sërish protestë te gjykata e Korçës
Një tjetër protestë është zhvilluar sot përpara gjykatës së Korçës nga përfaqësues të komunitetit rom të këtij qyteti dhe familjarë të Dritson Kurtit, 25- vjeçarit i cili u arrestua në shtator të vitit të kaluar pasi solli në jetë një vajzë me bashkëjetuesen e tij të mitur vetëm 13- vjeç.
Me pankarta në duar ku shkruhet ”Drejtësi për Dritson Kurtin”, si dhe thirrjen “kjo është tradita jonë’ protestuesit e komunitetit rom kërkojnë pushimin e çështjes ose ndryshimin e masës së sigurisë në detyrim paraqitje.
Sot në gjykata pritet të zhvillohet seanca e gjykimit paraprak për tu vendosur që çështja të shkojë për gjykim themeli.