Reagon Bashkia Maliq: “Maliq–Lozhan–Strelcë” nuk është investim i bashkisë
MALIq – Bashkia Maliq ka reaguar përmes një përgënjeshtrimi zyrtar ndaj aludimeve të publikuara në disa portale online, duke sqaruar se segmenti rrugor “Maliq–Lozhan–Strelcë” nuk është investim i këtij institucioni.
Sipas njoftimit zyrtar, ky segment është financuar dhe zbatuar nga Autoriteti Rrugor Shqiptar (ARRSH), si pjesë e aksit nacional Korçë–Gramsh.
Bashkia thekson se, pavarësisht disa problematikave që kërkojnë ndërhyrje dhe adresim, rehabilitimi i këtij aksi ka qenë një investim i rëndësishëm për zonën e Gorës, Oparit dhe më gjerë, duke ndikuar në përmirësimin e qarkullimit dhe lidhjes ndërmjet komuniteteve.
Ky sqarim, sipas Bashkisë Maliq, bëhet në respekt të komunitetit dhe me qëllim garantimin e një informimi të drejtë dhe transparent të opinionit publik.