Ministria e Bujqësisë dhe Zhvillimit Rural ka bërë një thirrje publike urgjente ndaj fermerëve dhe tregtarëve të kafshëve, pas disa rasteve të konstatuara të shkeljes së ligjit për lëvizjen dhe tregtimin e kafshëve, të cilat tashmë janë referuar në organet kompetente të ndjekjes penale.
NJOFTIM
NDALOHET:
- Lëvizja e kafshëve nga një fermë në tjetrën.
- Shitja e kafshëve të llojit dhen dhe dhi.
- Blerja e kafshëve të llojit dhen dhe dhi.
LEJOHET:
- Vetëm lëvizja e dhenve dhe dhive drejt thertoreve, të pajisura me certifikatë shëndetësore veterinare, e lëshuar nga Veterineri Zyrtar i Shërbimit Veterinar.
Kjo masë vjen si një hap vendimtar për parandalimin e përhapjes së infeksioneve tek kafshët, duke mbrojtur jo vetëm tufat por edhe ekonominë bujqësore dhe blegtorale të vendit.
Apel për përgjegjësi:
Fermerë – Mos rrezikoni tufat dhe jetesën tuaj.
Tregtarë – Mos rrezikoni sigurinë e ekonomisë blegtorale të vendit.
Mbrojmë tufat tona – Mbrojmë të ardhmen blegtorale të Shqipërisë!
Ky është një mesazh nga Ministria e Bujqësisë dhe Zhvillimit Rural. Për më shumë informacion, kontaktoni autoritetet lokale veterinare.