Nevzat Ceco, babai i të ndjerit Martin Ceco, ka reaguar ashpër pas vendimit të fundit të gjykatës, e cila la të lirë personat e akuzuar për ngjarjen tragjike që i mori jetën djalit të tij.
I revoltuar dhe i thyer emocionalisht, ai ka shprehur publikisht indinjatën e tij, duke deklaruar se vendimi i drejtësisë është një tallje për familjen dhe dhimbjen që ata po përjetojnë.
“Gjykata i liroi dhe po tallet me ne. Kjo nuk është drejtësi,” është shprehur Ceco, ndërsa ka lëshuar edhe deklarata të rënda në gjendje të rënduar psikologjike, duke treguar nivelin ekstrem të dëshpërimit ku ndodhet.