Drejtoria Rajonale e Kullimit Korçë ka nisur menjëherë punën për zënien e çarjes së argjinaturës së Lumit Devoll, sapo është bërë e mundur ndërhyrja pas uljes së nivelit të ujërave.
Në këtë operacion të vështirë po kontribuojnë mbi 15 mjete të angazhuara nga Bizneset Private, Ministria e Mbrojtjes, si dhe Drejtoritë e Ujitjes dhe Kullimit Korçë dhe Maliq.
Puna po vijon pa ndërprerje, edhe në kushte të vështira atmosferike, me temperatura nën zero, për të garantuar sigurinë dhe mbrojtjen e zonës.