Në Bashkinë Maliq u zhvillua një takim i posaçëm në kuadër të masave kundër kultivimit të lëndëve narkotike, ku u analizua situata aktuale dhe puna e strukturave përgjegjëse në terren.
Kryetari i Bashkisë Maliq, Gëzim Topçiu, vlerësoi angazhimin e kryepleqve dhe strukturave bashkiake, duke theksuar rëndësinë e bashkëpunimit të vazhdueshëm me Policinë e Shtetit për parandalimin dhe identifikimin e çdo tentative për kultivim të kanabisit.
Ndërkohë, shefi i Komisariatit të Policisë Maliq, Eduart Allushi, deklaroi se gjatë vitit të fundit në territorin e bashkisë nuk është konstatuar asnjë parcelë e mbjellë me kanabis, duke e cilësuar këtë si një rezultat pozitiv të bashkëpunimit mes policisë dhe pushtetit vendor.
Gjatë takimit u theksua se kontrollet dhe monitorimi i territorit do të vijojnë me intensitet, me synim garantimin e rendit, sigurisë dhe zbatimit të ligjit në zonë.