Një aksident me përplasje mes dy automjeteve ka ndodhur këtë të shtunë, rreth orës 11:30, pranë fshatit Nizhavec në bashkinë Maliq.
Sipas njoftimit të Policisë së Korçës, në ngjarje janë përfshirë një automjet tip “Benz”, që drejtohej nga shtetasi J.D., dhe një automjet tip “Volkswagen”, me drejtues L.S.
Si pasojë e përplasjes është dëmtuar drejtuesi i “Volkswagen”-it, shtetasi L.S., i cili është transportuar në spitalin e Korçës, ku po merr trajtim mjekësor.
Ndërkohë, drejtuesi i mjetit “Benz” është shoqëruar në Komisariat për veprime të mëtejshme procedurale.
Grupi hetimor vijon punën për zbardhjen e plotë të shkaqeve dhe rrethanave të aksidentit.