Zëvendësministri Jaupllari pranë fermerëve, konsultime dhe ndihmë për aplikimet në Skemën Kombëtare të Bujqësisë
Zëvendësministri Jaupllari zhvilloi një takim konsultues me fermerë të zonës, me qëllim sqarimin dhe thjeshtësimin e procedurave të aplikimit në Skemën Kombëtare të Mbështetjes në Bujqësi.
Gjatë bashkëbisedimit u diskutuan 12 pikat kryesore të aplikimit, ndërsa fermerët patën mundësinë të parashtrojnë pyetje, shqetësime dhe propozime lidhur me përfitimin nga skema mbështetëse.
Si gjithmonë, Jaupllari u gjend pranë fermerëve jo vetëm në aspektin institucional, por edhe në atë njerëzor e miqësor, duke dëgjuar nga afër problematikat e tyre dhe duke kërkuar zgjidhje konkrete për sfidat me të cilat përballen çdo ditë.
Takimi u vlerësua nga fermerët si një mundësi e rëndësishme për të marrë informacion të qartë dhe për të lehtësuar procesin e aplikimit për mbështetjen financiare në sektorin e bujqësisë.