Drejtori i Sektorit të Buqësisë pranë Bashkisë maliq Z.Arben Dulellari nëpërmjet një statusi në rrjetin e tij social ‘Facebook’ ka shprehur mirënjohje dhe vlerësim për dy botimet shumë të rëndësishme për zonën e Gorës nga profesor Eqrem Meçollari.
Ndër të tjera ai shkruan:
Intelektualë të tillë, kërkojnë më shumë vëmendje
dhe mbështetje nga shoqëria!
Këtë radhë, profesori ka përgatitur e botuar 2 (dy) vëllime, me 1300 faqe, me titull “Mbiemrat e Oparit” dhe librin me “Idioma dhe Shprehje Frazeologjike Nga Opari”, me 561 faqe.
Këto studime e botime, pasohen pas botimit voluminoz, të 4 (katër) vëllimeve me titull “Enciklopedia e Vogël e Oparit” me 2450 faqe. ( Në fakt nuk është kaq e vogël, sa e quan profesori, por është mjaft voluminoze
Në vazhdimësi, profesori është duke hulumtuar e përgatitur botimin e radhës, për florën e faunën në krahinën e Oparit. Studime, përgatitje e botime të tjera do të pasojnë punën e tij.
Sigurisht, këto botime e materiale voluminoze, janë një “thesar” i vërtetë për Oparakët, brezat e ardhshëm, për vetë historinë e Shqipërisë.
Janë të rrallë njerëz të tillë, që me pasion, me njohuri të gjëra, me këmbëngulje e me shpenëzimet e veta, arrijnë të bëjnë punë kolosale.
Para viteve 1990 profesor Eqremi ka drejtuar punën me kulturën e patates, pranë Stacionit bujqësor të Korçës, duke arritur rezultate e rendimente të larta në këtë kulturë, me varietetet e rinj dhe përshtatshmërinë e tyre me terenin.
Intelektualë të tillë, kërkojnë më shumë vëmendje dhe mbështetje nga shoqëria!
