Aksident pranë terminalit të autobusëve në Korçë, Benz-i përplas këmbësorin
Një aksident rrugor është regjistruar pasditen e sotme pranë terminalit të autobusëve në qytetin e Korçës.
Sipas informacioneve paraprake, drejtuesi i një automjeti tip “Benz” ka përplasur një këmbësor, i cili për pasojë ka mbetur i dëmtuar.
I plagosuri është transportuar me urgjencë drejt spitalit të Korçës, ku mësohet se ndodhet jashtë rrezikut për jetën.
Ndërkohë, në vendngjarje ka mbërritur policia, e cila po kryen veprimet hetimore për të zbardhur shkaqet dhe rrethanat e aksidentit.