Sherr i dhunshëm në Korçë, një i ri përfundon në spital
Një konflikt mes disa të rinjve është regjistruar në lagjen nr. 2 të qytetit të Korçë, pranë kinemasë.
Sipas burimeve, palët janë përfshirë në përplasje fizike me grushte dhe dyshohet edhe me sende të forta. Si pasojë, një person ka mbetur i lënduar dhe është transportuar në spital, ku ndodhet jashtë rrezikut për jetën.
Policia mbërriti në vendngjarje, por të përfshirët ishin larguar. Ndërkohë, hetimet vijojnë për zbardhjen e plotë të rastit.