Korçë – Drejtoria Vendore e Policisë Korçë bën me dije se gjatë 24 orëve të fundit, shërbimet policore në qytet dhe rrethe kanë kryer arrestime dhe kanë referuar materiale procedurale në Prokurori, për një sërë rastesh të ndryshme.
- Arrestim në flagrancë
Shërbimet e Komisariatit të Policisë Korçë arrestuan 35-vjeçarin E. M., banues në fshatin Bulgarec, pasi dyshohet se ka ushtruar dhunë ndaj bashkëshortes së tij. Viktima u pajis me urdhër mbrojtjeje. - Procedime penale në Korçë
U referuan materialet në Prokurori dhe filloi procedimi penal për:- R. V., 44 vjeç, banues në Korçë, i dyshuar për kanosje ndaj një 52-vjeçari, për motive të dobëta;
- K. M., i kapur duke kryer punime ndërtimi pa leje;
- E. A., 40 vjeç dhe H. H., 33 vjeç, banues në Pogradec, pasi gjatë kontrollit në automjetin e tyre u gjetën 2 pako me lëndë piroteknike (fishekzjarre).
- Maliq
Komisariati i Policisë Maliq referoi materialet në Prokurori për shtetasin S. Z., 41 vjeç, banues në fshatin Strelcë, i dyshuar për dhunë ndaj bashkëshortes, e cila u pajis me urdhër mbrojtjeje. - Devoll
Në Komisariatin e Policisë Devoll filloi procedimi penal për shtetasit N. H., 35 vjeç dhe D. Z., 40 vjeç, banues në Vishocicë, pasi dyshohet se janë konfliktuar me njëri-tjetrin për motive të dobëta. - Pogradec
Më datë 14.09.2025, në lagjen nr. 2, shtetasi G. L., 63 vjeç, humbi jetën në banesën e tij. Nga të dhënat paraprake dyshohet për shkaqe natyrale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.