Policia ka zhvilluar një aksion të gjerë kundër basteve të paligjshme gjatë ditës së djeshme, ku kanë përfunduar në pranga mbi 8 persona. Burime nga policia bëjnë të ditur se aksioni është zhvilluar njëkohësisht në disa zona, pas një hetimi të thelluar për aktivitetin e paligjshëm të basteve online dhe fizike.
Gjatë kontrollit, janë sekuestruar sasi të konsiderueshme parash, pajisje elektronike dhe prova të tjera që lidhen me aktivitetin e paligjshëm. Mësohet se personat e arrestuar akuzohen për organizim dhe administrim të paligjshëm të basteve, ndërsa hetimet janë ende në vijim për të identifikuar bashkëpunëtorë të tjerë dhe për të zbardhur të gjithë rrjetin e përfshirë.
Pritet që gjatë orëve në vijim policia të dalë me një deklaratë zyrtare për të dhënë më shumë detaje mbi operacionin dhe rezultatet e tij.