Vijon rekrutimi i talenteve në Gjimnazin “Skënderbeu” Maliq
Vijon me ritme të larta rekrutimi i talenteve të reja në gjimnazin “Skënderbeu” Maliq, në kuadër të spektaklit rinor “Puls on Stars”, organizuar nga Këshilli i Qarkut Korçë në bashkëpunim me Bashkinë Maliq.
Ky aktivitet po dëshmon një bashkëpunim shumë të mirë mes shkollave dhe institucionit të Bashkisë, duke krijuar hapësira reale për promovimin dhe mbështetjen e të rinjve të talentuar.
Të rinjtë dhe të rejat e këtij gjimnazi po tregojnë se talenti, pasioni dhe përkushtimi nuk mungojnë.
Nga muzika, kërcimi, aktrimi e deri te forma të tjera arti, ata po spikasin me aftësitë dhe kreativitetin e tyre.
Një falënderim i veçantë shkon për stafin pedagogjik të gjimnazit, për mbështetjen dhe inkurajimin e vazhdueshëm, si edhe për të gjithë të rinjtë e talentuar që po bëhen pjesë e këtij rrugëtimi artistik.
Maliqi ka të rinj me horizont dhe energji dhe “Puls on Stars” është një mundësi e shkëlqyer për ta!