Prezantohet Drejtori i ri i AKVMB, Roland Mecaj: Prioritet përafrimi me standardet e BE-së
Është prezantuar Drejtori i ri i Autoritetit Kombëtar të Veterinarisë dhe Mbrojtjes së Bimëve (AKVMB), z. Roland Mecaj. Gjatë takimit me stafin u theksua rëndësia e menaxhimit efikas të punës dhe thellimit të reformave të nisura, me synim përafrimin e plotë me acquis të Bashkimit Europian dhe përmbushjen e detyrimeve që rrjedhin nga Kapitulli 12.
Sipas drejtuesve të Ministrisë së Bujqësisë dhe Zhvillimit Rural, përmbushja e këtij kapitulli mbetet prioritet absolut në kuadër të procesit të integrimit europian.
AKVMB do të vijojë garantimin e shërbimit veterinar për kafshët, sigurinë ushqimore dhe mbrojtjen e bimëve, duke qëndruar pranë fermerëve dhe blegtorëve për të siguruar zbatimin e standardeve të Bashkimit Europian.